Արարատի ոստիկանները բացահայտեցին մեքենայից կատարված գողությունը

Հունիսի 30-ին ոստիկանության Արարատի բաժին դիմած քաղաքացին հայտնել էր, որ հունիսի 29-ի ժամը 21.30-ից հունիսի 30-ի ժամը 06.15-ն ընկած ժամանակահատվածում, հարմարեցված բանալիով բացելով շենքի բակում կայանված իր «ՎԱԶ-2106» մակնիշի մեքենայի դուռը, գողացել են մարտկոցը, ձայնագրիչը և բարձրախոսները:
Ձեռնարկված օպերատիվ-հետախուզական միջոցառումների շնորհիվ պարզվել է գողությունը կատարած անձի ինքնությունը: Հուլիսի 1-ին 31-ամյա տղամարդը բերման է ենթարկվել Արարատի բաժին և տվել խոստովանական բացատրություն:
Ձեռնարկվում են միջոցառումներ՝ գողոնը հայտնաբերելու ուղղությամբ:
Նախապատրաստվում են նյութեր: