Ոստիկանները հայտնաբերել են ավտոմեքենաների գազաբալոնները հափշտակողին

Ապրիլի 7-ին, ժամը 10.30-ին, ոստիկանության Կոտայքի բաժնում հաղորդում էր ստացվել, որ 2-րդ միկրոշրջանի 8-րդ շենքի դիմաց կայանված ավտոմեքենայից գողություն է կատարվել:
Դեպքի վայր մեկնած ոստիկանները պարզել էին, որ գողացել են բակում կայանված «Օպելի» գազի բալոնը:
Նույն օրը, ժամը 10.45-ին, բաժնում ստացվել էր նաև Սևանի փողոցի 2/5 շենքի բակում կայանված ավտոմեքենայի գազի բալոնը գողանալու վերաբերյալ հաղորդում։
Ոստիկանության Կոտայքի բաժնի ՔՀԲ-ում ստացված օպերատիվ տվյալներն իրացնելիս, ապրիլի 12-ին, ժամը 10.35-ին, Երևանի Մոլդովական փողոցից, գողություն կատարելու կասկածանքով, բաժին բերման է ենթարկվել 46-ամյա Կարեն Մ․-ն։ Պարզվել է, որ նշված գողություններն ինքն է կատարել:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: