Բազումի ոստիկանները բացահայտել են նկուղից կատարված գողությունը

Ապրիլի 12-ին ոստիկանության Բազումի բաժնում հաղորդում էր տվել Վանաձորի Չուխաջյան փողոցի մի բնակիչ. այդ օրը հայտնաբերել էր, որ իրենց նկուղից գողացել են տարբեր իրեր:
Բաժնի քրեական հետախույզների ձեռնարկած օպերատիվ-հետախուզական միջոցառումների արդյունքում պարզվեց, որ գողությունն արել են 32 և 33 տարեկան երկու վանաձորցիներ: Ապրիլի 14-ին Բազումի ոստիկանները երկուսին էլ հայտնաբերեցին Չուխաջյան փողոցում ու բերման ենթարկեցին բաժին: Բացատրական աշխատանքի արդյունքում նրանք խոստովանեցին, որ գողությունն արել են իրենք:
Դեպքի հանգամանքները պարզվում են: