«Blognews.am» լրատվական կայքում հրապարակված հոդվածի հետքերով

«Blognews.am» լրատվական կայքում դեկտեմբերի 11-ին հրապարակվել էր «Սույն անձը կարմիր բերետների կապիտան Միքայել Այվազյանն է, կապիտան Այվազյանը ցույցերի ժամանակ իրեն պահում է ինչպես ադրբեջանական ոստիկանության աշխատակից» վերտառությամբ հոդված, ըստ որի՝ ոստիկանության հիշյալ ծառայողը քաղաքացիներին բերման ենթարկելիս թաքուն հարվածում է նրանց:
Պարզվել է, որ հոդվածում նշված անձը ոստիկանության Երևան քաղաքի վարչության ՊՊԾ ոստիկանության գնդի ոստիկանության 3-րդ /հատուկ/ գումարտակի 1-ին վաշտի հրամանատար, ոստիկանության կապիտան Միքայել Այվազյանն է:
Ոստիկանության ներքին անվտանգության վարչությունում իրականացված ծառայողական քննությամբ չի հաստատվել ոստիկանության ծառայող Միքայել Այվազյանի կողմից ցուցարարների նկատմամբ բռնություն կամ բիրտ ուժ գործադրելու հանգամանքը, ուստի ծառայողական քննության արդյունքները թողնվել են անհետևանք: