Հայոց ազգային բանակն այլևս իրականություն է, սահմանն ու խաղաղությունն՝ անխոցելի (ՏԵՍԱՆՅՈՒԹ)
28.01.2016 14:44
Համակարգի լրատու
![Հայոց ազգային բանակն այլևս իրականություն է, սահմանն ու խաղաղությունն՝ անխոցելի (ՏԵՍԱՆՅՈՒԹ) Հայոց ազգային բանակն այլևս իրականություն է, սահմանն ու խաղաղությունն՝ անխոցելի (ՏԵՍԱՆՅՈՒԹ)](/timthumb?src=/resources/police/img/news/big/1453977939,2758.jpeg&q=75&w=780&wm=1)
Հունվարի 28-ին՝ Հայոց բանակի կազմավորման 24-րդ տարեդարձի օրը, սրբատեղի Եռաբլուր պանթեոնում էին Հայաստանի Հանրապետության և Լեռնային Ղարաբաղի Հանրապետության նախագահները, բարձրաստիճան պաշտոնյաներ, սպաներ, գերատեսչությունների ղեկավարներ, քաղաքացիներ:
Ծաղկեպսակներ ու ծաղիկներ խոնարհվեցին թանկ շիրիմներին այն զինվորյալների, որ քառորդ դար առաջ անպարտելի կանգնեցին հայոց սահմաններին, իրենց կյանքի գնով կասեցրին թշնամու մահաբեր խուժումը, արյամբ թանկացրին հայրենական հողը և բերեցին մեր երկրի այսօրը, երբ ազգային բանակն այլևս իրականություն է, սահմանն ու խաղաղությունն՝ անխոցելի, երբ կարող ենք լիասիրտ շնորհավորել միմյանց կայացած ու կատարելագործվող Զինված ուժեր ունենալու համար: