Ջերմուկի ոստիկանները բացահայտել են նախկինում կատարված բնակարանային գողություն

Բնակարանային գողությունը Ջերմուկում կատարվել էր դեռևս անցած տարվա սեպտեմբերի 6-ին, տուժած տանտիրուհին էլ հաղորդում չէր տվել: Բայց քրեական հետախույզների օպերատիվ աշխատանքը հնարավորություն է տալիս բացահայտելու նաև նման հանցագործությունները:
Այս տարվա հուլիսի 19-ի առավոտյան, Ջերմուկ քաղաքի Շահումյան փողոցի շենքերից մեկի բնակարանից, գողություն կատարելու կասկածանքով, ոստիկանության Ջերմուկի բաժին բերման ենթարկվեց նույն շենքի բնակիչ, 51-ամյա մի տղամարդ: Նա խոստովանեց, որ օգտվելով դուռը բաց լինելու հանգամանքից` մտել էր հարևանուհու տուն, ճաշասենյակի կահույքի վրայից գողացել մանրադրամ, ննջարանի պահարանում կախված հագուստի գրպանից` թղթադրամ:
Տուժողից ընդունվել է հաղորդում: Նախապատրաստվում են նյութեր: