Քրեական հետախույզները բնակարանային գողության դեպք են բացահայտել

Ոստիկանության ՔՈԳՎ և Կոտայքի բաժնի ծառայողների ձեռնարկած օպերատիվ-հետախուզական միջոցառումների շնորհիվ դեկտեմբերի 25-ին, բնակարանային գողություն կատարելու կասկածանքով, Կոտայքի բաժին բերման են ենթարկվել 44 և 29 տարեկան երկու տղամարդ, որոնցից մեկը խոստովանել է, որ Աբովյան քաղաքի Գեղարդի փողոցի շենքերից մեկի մի բնակարանից գողություն են արել։ Նա նաև խոստովանել է, որ կատարել է մի շարք այլ գողություններ:
Գողոնը հայտնաբերվել է:
Հարուցվել է քրեական գործ։
Կատարվում է նախաքննություն: