Արտաշատի ոստիկանները հայտնաբերեցին բնակարանային (ՏԵՍԱՆՅՈՒԹ)

Ոստիկանության Արտաշատի բաժնի ծառայողները, իրացնելով ստացված օպերատիվ տվյալները, հոկտեմբերի 7-ին Արարատի մարզի նորաշեն գյուղում հայտնաբերել ու բնակարանային գողություն կատարելու կասկածանքով բաժին բերման են ենթարկել Գետազատ գյուղում ապրող 23-ամյա մի երիտասարդի։ Ըստ քննությանն այս պահին հայտնի տվյալների՝ երիտասարդը մտել է համագյուղացու տուն ու գաղտնի հափշտակել մոտ 740․000 դրամի ոսկյա և արծաթե զարդեր։ Հետագա միջոցառումներով պարզվել է, որ բերման ենթարկվածը օգոստոսին գողություն է կատարել նաև Արևշատ գյուղում։ Այս դեպքում գաղտնի հափշտակել է բնակիչներից մեկի ընտանի թռչունները։ Դեպքերի հանգամանքները պարզվում են։ Կատարվում է քննություն։