Սպիտակի քրեական հետախույզները բնակարանային գողության դեպք են բացահայտել

Ապրիլի 15-ին, ժամը 13.30-ի սահմաններում, մի կին ոստիկանության Սպիտակի բաժնում հաղորդում էր տվել, որ ապրիլի 14-ից 15-ն ընկած ժամանակահատվածում տեխնիկական միջոցների գործադրմամբ կոտրել են Ջրաշեն գյուղի իր հայրական տան մուտքի դռան փականը, տունը տակնուվրա անելուց հետո ոչինչ չգողանալով՝ հեռացել են:
Սակայն դեպքի վայրի զննությամբ ոստիկանները պարզեցին, որ հանցամիտն, այնուամենայնիվ, հասցրել էր գողություն անել. տնից հափշտակել էր համակարգչի էլեկտրամագնիսական մեխանիզմը:
Բացահայտման ուղղությամբ ձեռնարկված անհրաժեշտ միջոցառումներից հետո քրեական հետախույզները տեղեկություններ ստացան, որ գողությունը հնարավոր է կատարած լինի նույն գյուղի 27-ամյա մի բնակիչ:
Ապրիլի 16-ին կասկածվողը Ջրաշենից բերման ենթարկվեց ոստիկանության Սպիտակի բաժին:
Նա տվել է խոստովանական բացատրություն:
Գողոնը հայտնաբերվել է:
Հանգամանքները պարզվում են:
Փաստի առթիվ նախապատրաստվում են նյութեր: