Դիլիջանի ոստիկանները բնակարանային գողության դեպք են բացահայտել
![Դիլիջանի ոստիկանները բնակարանային գողության դեպք են բացահայտել Դիլիջանի ոստիկանները բնակարանային գողության դեպք են բացահայտել](/timthumb?src=/resources/police/img/news/big/1612599622-867.jpeg&q=75&w=780&wm=1)
Փետրվարի 4-ին, ժամը 15.30-ին, ոստիկանության Դիլիջանի բաժին դիմած քաղաքացին հաղորդում էր տվել, որ փետրվարի 3-ի ժամը 20.00-ից փետրվարի 4-ի ժամը 04.30-ն ընկած ժամանակահատվածում մտել են իր տուն և գողացել նոթբուքներ, էլեկտրական թեյնիկ ու ֆոտոխցիկ։ Տուժողին պատճառվել էր շուրջ 1.000.000 դրամի նյութական վնաս:
Դեպքի առթիվ հարուցվեց քրեական գործ։
Դիլիջանի ոստիկանության քրեական հետախույզների ձեռնարկած օպերատիվ-հետախուզական միջոցառումների և բացատրական աշխատանքի շնորհիվ փետրվարի 5-ին, ժամը 15.00-ին, բաժին է ներկայացել 21-ամյա մի երիտասարդ և տվել խոստովանական բացատրություն: Նա ոստիկաններին է ներկայացրել գողոնը։
Նախաքննությունը շարունակվում է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: