Ապօրինի հատել էր 111 հատ ծառ. ոստիկանության բացահայտումը

Հոկտեմբերի 12-ին «Հայանտառ» ՊՈԱԿ-ի Արծվաբերդի անտառտնտեսության մասնաճյուղից ոստիկանության Տավուշի բաժին հաղորդում էր ստացվել, որ Գանձաքար գյուղ տանող ճանապարհին փայտանյութով բարձված ավտոմեքենա է ընթանում:
Կարճ ժամանակ անց ոստիկանները Գանձաքար գյուղի հարակից տարածքում հայտնաբերեցին մոտ 5 խմ փայտանյութով բեռնված «Զիլ» մեքենա։
Գանձաքարցի 50-ամյա վարորդը փայտանյութի օրինականությունը հավաստող որևէ փաստաթուղթ չի ներկայացրել։
Պարզվել է, որ նա Նավուրի անտառպետության տարածքից ապօրինի հատել էր 111 տարբեր ծառեր:
Մեքենան տեղափոխվել է ոստիկանության Տավուշի բաժնի պահպանվող հատուկ տարածք։
Նշանակվել է մասնագիտական ստուգում:
Վնասի չափը պարզվում է:
Նախապատրաստվում են նյութեր: