Ապօրինի ծառահատման հետքերով. Հրազդանի ոստիկանների բացահայտումը

Հոկտեմբերի 25-ին «Հրազդան» անտառտնտեսությունից ոստիկանության Հրազդանի բաժին հաղորդում էր ստացվել, որ Կոտայքի մարզի Մեղրաձոր գյուղի Կարմիր խաչ կոչվող անտառամասում հայտնաբերվել է ապօրինի հատած ծառերի 30 կոճղ։
Ոստիկանության ծառայողները ձեռնարկված միջոցառումներով պարզեցին, որ ծառերը հատել է Մեղրաձոր գյուղի 36-ամյա մի բնակիչ։
Հոկտեմբերի 26-ին կասկածվողը հայտնաբերվեց է և, փայտանյութով բեռնված իր «ԳԱԶել» մակնիշի մեքենայով հանդերձ, բերման ենթարկվեց ոստիկանության Հրազդանի բաժին։
Նա փայտանյութի ձեռք բերման վերաբերյալ կտրոն-ծանուցագիր չի ներկայացրել, հայտնել է, որ ծառերն ինքն է ապօրինի հատել։
Դեպքի հանգամանքներն ու վնասի չափը պարզվում են:
Փաստի առթիվ նախապատրաստվում են նյութեր: