Էրեբունու ոստիկանները պարզել են վրաերթի ենթարկված քաղաքացու ինքնությունը

Ապրիլի 5-ին, ժամը 04.00-ին, Երևանի Շիրակի փողոցում «ԴԱՖ» մակնիշի ավտոմեքենայի վարորդը վրաերթի էր ենթարկել մոտ 50 տարեկան, ինքնությունը չպարզված տղամարդու, որը տեղում մահացել էր:
Նույն օրը ոստիկանության Էրեբունու բաժնում հաղորդում էր ստացվել 60-ամյա Մանվել Անտոնյանի անհետ կորելու մասին։
Ոստիկանության Էրեբունու բաժնի ծառայողների ձեռնարկած միջոցառումների շնորհիվ պարզվել է, որ ապրիլի 5-ին վրաերթի ենթարկված անձը անհետ կորած համարվող Մանվել Անտոնյանն է:
Քննությունը շարունակվում է։