Ճանապարհատրանսպորտային պատահարներ Հայաստանում

Հուլիսի 7-ին, ժամը 10.00-ին, Երևանի Գարեգին Նժդեհի և Մանթաշյան փողոցների խաչմերուկում իրար են բախվել «Սուզուկի» և «Մերսեդես» մակնիշի մեքենաներ: «Սուզուկիի» վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։
*
Հուլիսի 7-ին, ժամը 13.00-ին, «Ֆորդ» մակնիշի մեքենայի վարորդը Երևանի Ֆրունզեի փողոցում վրաերթի է ենթարկել 8-ամյա տղայի, որը մարմնական վնասվածքներով տեղափոխվել է հիվանդանոց:
Կատարվում է քննություն։
*
Հուլիսի 7-ին, ժամը 20.30-ի սահմաններում, «Օպել» մակնիշի մեքենան Ռյա Թազա գյուղում դուրս է եկել ճանապարհի երթևեկելի գոտուց և կողաշրջվել: Վարորդը մարմնական վնասվածքներով տեղափոխվել է հիվանդանոց:
Կատարվում է քննություն։
*
Հուլիսի 7-ին, ժամը 15.00-ին, Մասիս քաղաքի Երևանյան և 1-ին փողոցների խաչմերուկում իրար են բախվել «Մերսեդես-Բենց Սպրինտեր» և «Զիլ-554» մակնիշի մեքենաներ: «Մերսեդես-Բենց Սպրինտերի» վարորդը մարմնական վնասվածքներով տեղափոխվել է հիվանդանոց:
Կատարվում է քննություն։
*
Հուլիսի 8-ին, ժամը 01.15-ին, «Տոյոտա» մակնիշի մեքենան Սևան-Մարտունի-Գետափ ճանապարհի 6-րդ կմ-ին դուրս է եկել երթևեկելի գոտուց և բախվել հողաթմբին: Վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։
*

Հուլիսի 7-ին, ժամը 13.10-ին, Աբովյան քաղաքի Երևանյան և Հանրապետության փողոցների խաչմերուկում իրար են բախվել «Օպել», երկու «Մերսեդես» և «ԳԱԶել» մակնիշի մեքենաներ: «Օպելի» ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն։
*

Հուլիսի 7-ին, ժամը 21.00-ի սահմաններում, Եղվարդ-Նոր Գեղի ճանապարհի 1-ին կմ-ին իրար են բախվել «Օպել» և «Նիսան» մակնիշի մեքենաներ: «Նիսանի» չորս ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։
*

Հուլիսի 7-ին, ժամը 14.00-ին, Վայոց ձորի մարզի Ազատեկ բնակավայրի դաշտային տարածքում տրակտորը՝ խոտ հակելու կցորդիչով, մոտ 100 մետր գլորվել է ձորը: 34-ամյա տրակտորիստը և 33-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։