Ճանապարհատրանսպորտային պատահարներ Հայաստանում
![Ճանապարհատրանսպորտային պատահարներ Հայաստանում Ճանապարհատրանսպորտային պատահարներ Հայաստանում](/timthumb?src=/resources/police/img/news/big/1670660569-3448.jpeg&q=75&w=780&wm=1)
Դեկտեմբերի 8-ին, ժամը 22.50-ին, Երևանի Սեբաստիայի և Շահումյան փողոցների խաչմերուկում իրար են բախվել «Շկոդա», «Օպել», «ՎԱԶ-21074» և «ԲՄՎ» մակնիշի մեքենաներ: «Շկոդայի» երկու ուղևորները և «ԲՄՎ»-ի վարորդը մարմնական վնասվածքներով տեղափոխվել են հիվանդանոց:
Կատարվում է քննություն:
***
Դեկտեմբերի 9-ին, ժամը 17.40-ի սահմաններում, Կանաչուտ-Մրգանուշ գյուղամիջյան ճանապարհին իրար են բախվել «ՎԱԶ-2107» և «Մերսեդես» մակնիշի մեքենաներ: «Մերսեդեսի» վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Դեկտեմբերի 9-ին, ժամը 16.10-ին, Երևան-Արմավիր ճանապարհի 14-րդ կմ-ին իրար են բախվել «ԳԱԶել» և «ՎԱԶ-2101» մակնիշի մեքենաներ: «ՎԱԶ-2101»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Դեկտեմբերի 9-ին, ժամը 15.00-ի սահմաններում, «Նիսան» մակնիշի մեքենայի վարորդը Գավառ քաղաքի Բուռնազյան փողոցում վրաերթի է ենթարկել 13-ամյա աղջկա, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Դեկտեմբերի 9-ին, ժամը 14.40-ի սահմաններում, Մարտունի-Վարդենիս ճանապարհի 6-րդ կմ-ին իրար են բախվել «ԳԱԶ-53» և «Օպել» մակնիշի մեքենաներ: «Օպելի» վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Դեկտեմբերի 9-ին, 19.30-ի սահմաններում, Գառնի գյուղի հուշարձանի մոտ «Մերսեդես» մակնիշի մեքենայի վարորդը վրաերթի է ենթարկել 20-ամյա երիտասարդի, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Դեկտեմբերի 9-ին, ժամը 03.00-ի սահմաններում, «Մերսեդես» մակնիշի մեքենան Չարենցավան քաղաքի 2-րդ թաղամասի շենքերից մեկի հետնամասում բախվել է ծառին: 14-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Դեկտեմբերի 9-ին, ժամը 17.00-ի սահմաններում, «ՈւԱԶ-315195» մակնիշի մեքենայի վարորդը Կապան քաղաքի Շահումյան փողոցում վրաերթի է ենթարկել 9-ամյա աղջկա և իր մեքենայով տեղափոխվել հիվանդանոց:
Կատարվում է քննություն:
***
Դեկտեմբերի 9-ին, ժամը 18.00-ի սահմաններում, Երևան-Մեղրի ճանապարհի 126-րդ կմ-ին իրար են բախվել «Օպել» և «ԲՄՎ» մակնիշի մեքենաներ: «ԲՄՎ»-ի վարորդը շտապօգնության խմբի կողմից տեղում ստացել է բուժօգնություն, իսկ «Օպելի» վարորդը տեղափոխվել է հիվանդանոց:
Կատարվում է քննություն;
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: