Ճանապարհատրանսպորտային պատահարներ Հայաստանում

Մարտի 16-ին, ժամը 19.20-ին, «ԳԱԶ-24» մակնիշի մեքենան Երևանի Խորենացու փողոցում վրաերթի է ենթարկել 29-ամյա կնոջ, որը մարմնական վնասվածքներով տեղափոխվել է հիվանդանոց:
Կատարվում է քննություն:
*
Մարտի 17-ին, ժամը 17.00-ի սահմաններում, «Մերսեդես» մակնիշի մեքենայի վարորդը Երևանի Երվանդ Քոչարի փողոցում վրաերթի է ենթարկել 51-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն:
*
Մարտի 18-ին, ժամը 01.00-ի սահմաններում, «Օպել» մակնիշի մեքենան Հրազդան-Հանքավան ավտոճանապարհին դուրս է եկել երթևեկելի գոտուց և ընկել գետը: Վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
*
Մարտի 18-ին, ժամը 00.30-ի սահմաններում, Զովունի-Քանաքեռավան ավտոճանապարհին իրար են բախվել «Մերսեդես» և «Օպել» մակնիշի մեքենաներ: Վարորդներից մեկը և երկու ուղևոր մարմնական վնասվածքներով տեղափոխվել են հիվանդանոց:
Կատարվում է քննություն:
*
Մարտի 17-ին, ժամը 14.45-ի սահմաններում, «Ֆոլքսվագեն» մակնիշի մեքենան Գյումրի-Արմավիր ճանապարհի 10-րդ կմ-ին դուրս է եկել երթևեկելի գոտուց և կողաշրջվել: Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
*

Մարտի 17-ին, ժամը 21.30-ի սահմաններում, «Մերսեդես Բենց» մակնիշի մեքենան Երևան-Սևան-Իջևան ճանապարհի 104-րդ կմ-ին բախվել է ժայռից պոկված և երթևեկելի գոտում ընկած քարաբեկորին, ինչի հետևանքով մեքենան հրդեհվել է: Վարորդը և երեք ուղևորները մարմնական վնասվածքներով տեղափոխվել են հիվանդանոց:
Կատարվում է քննություն: