Ճամբարակի ոստիկանները բացահայտեցին գողությունը

Ճամբարակի քրական հետախույզները գողության վերաբերյալ ստացել էին օպերատիվ տեղեկություն, որն իրացրին բաժնի անչափահասների գործերով և ընտանիքում բռնության կանխարգելման բաժանմունքի ծառայողների հետ: Սովորական գողություն չէր: Դեռևս անցած տարվա աշնանը Դրախտիկ-Ճամբարակ ճանապարհի 23-րդ կմ հատվածից գողացել էին մետաղյա արգելապատնեշներ: Էականը գողոնի արժեքը չէր. արգելապատնեշները բացառապես անվտանգության համար են, որպեսզի ինչ-ինչ պատճառներով ճանապարհից շեղված մեքենան չընկնի ձորը:
Օպերատիվ տեղեկություններն իրացվեցին փետրվարի 16-ին: Թթուջուր գյուղի բնակիչ, 58-ամյա տղամարդը հրավիրվեց ոստիկանության Ճամբարակի բաժին և տվեց խոստովանական բացատրություն:
Գողոնը հայտնաբերվել է: Դեպքի հանգամանքները պարզվում են: