Գողությունից րոպեներ անց ոստիկանները բռնել էին (ՏԵՍԱՆՅՈՒԹ)

Նոյեմբերի 17-ի գիշերը ոստիկանության Դավթաշենի բաժանմունքում գաղտնի հափշտակության մասին տեղեկություններ ստացվեցին գողությունից րոպեներ անց: Քրեական հետախույզների արագ և օպերատիվ արձագանքման շնորհիվ ժամը 4.50-ին կասկածյալը Դավիթաշենի 2-րդ թաղամասից բերման ենթարկվեց:
Բաժանմունքում ոստիկանները ճշտեցին նրա ինքնությունը: Երիտասարդը Սարի թաղի բնակիչ էր, 17 տարեկան:
Պարզվեց, որ ժամը 4.30-ի սահմաններում նա Տիգրան Պետրոսյան փողոցի ծաղկի խանութից համակարգիչ էր գողացել, իսկ երբ Դավթաշենի 2-րդ թաղամասի գեղեցկության սրահից էր փորձել գողություն անել, գործն ավարտին չհասցրած` ոստիկանները բռնել էին:
Բերման ենթարկվածը տվել է խոստովանական բացատրություն:
Հանգամանքները պարզվում են:
Փաստի առթիվ նախապատրաստվում են նյութեր: