ՀՀ ոստիկանության վոլեյբոլի առաջնություն` «Դինամո» մարզական հասարակական կազմակերպության մարզահամալիրում (ՏԵՍԱՆՅՈՒԹ և ԼՈՒՍԱՆԿԱՐՆԵՐ)

Մարտի 9-ից 13-ը «Դինամո» մարզական հասարակական կազմակերպության մարզահամալիրում անցկացվեց ՀՀ ոստիկանության վոլեյբոլի առաջնությունը, որին մասնակցեցին ոստիկանության 14 ստորաբաժանումների հավաքական թիմերը:
Անզիջում պայքարում 3:0 հաշվով հաղթողի կոչումը և փոխանցիկ գավաթը նվաճեց ոստիկանության զորքերի հավաքական թիմը, որը պարգևատրվեց առաջին կարգի դիպլոմով, մեդալով և դրամական պարգևով:
Երկրորդ և երրորդ տեղերը համապատասխանաբար գրավեցին ոստիկանության կրթահամալիրի և ոստիկանության Սյունիքի մարզային վարչության հավաքական թիմերը, որոնք պարգևատրվեցին մեդալներով և դիպլոմներով:
Լավագույն վոլեյբոլիստ ճանաչվեց և Ֆ. Դալլաքյանի անվան հատուկ մրցանակին արժանացավ ոստիկանության մարտական և ֆիզիկական պատրաստականության բաժնի թիմի մասնակից, ոստիկանության ավագ լեյտենանտ Ատոմ Շահինյանը:
Պարգևատրումը կատարեց ոստիկանության մարտական և ֆիզիկական պատրաստականության բաժնի պետ, «Դինամո» մարզական հասարակական կազմակերպության նախագահի առաջին տեղակալ, ոստիկանության փոխգնդապետ Գառնիկ Հայրապետյանը: