Դիլիջանի ոստիկաններն ապօրինի թմրաշրջանառության դեպք են բացահայտել

Ոստիկանության Դիլիջանի բաժնի համայնքային ոստիկաններն ու ՊՊԾ դասակի ծառայողները դեկտեմբերի 1-ի գիշերային շրջայցի ժամանակ քաղաքի օղակաձև խաչմերուկից, թմրանյութ պահելու և օգտագործելու կասկածանքով, բաժին բերման ենթարկեցին Վանաձոր քաղաքի 24-ամյա մի բնակչի։ Նրա անձնական խուզարկությամբ հայտնաբերվեցին մարիխուանայի նմանվող զանգվածներ՝ կպչուն ժապավենով փաթեթավորված։
Ըստ 24-ամյա երիտասարդի՝ հայտնաբերվածը մարիխուանա է։ Նշանակվել են փորձաքննություններ: Հանգամանքները քննությամբ պարզվում են։