Ոստիկանները բացահայտել են Դիլիջանում կատարված գողությունը

Մայիսի 3-ին հաղորդվել էր, որ գիշերը, տեխնիկական միջոցներով բացելով Դիլիջանում գործող մի մթերային խանութի մուտքի դուռը, գողացել էին ծխախոտ, դրամարկղից և վճարման տերմինալից՝ գումար: Պատճառվել էր 550 հազար դրամի վնաս:
Դեպքի առթիվ հարուցվել էր քրեական գործ:
Տավուշի մարզային վարչության և Դիլիջանի բաժնի ծառայողների համատեղ ձեռնարկած օպերատիվ-հետախուզական միջոցառումների արդյունքում հունիսի 26-ին բաժին է հրավիրվել Չարենցավան քաղաքի բնակիչ, 32-ամյա մի տղամարդ: Նա խոստովանել է, որ նշված գողությունը կատարել է ինքը՝ իր ծանոթի հետ:
Ձեռնարկվում են միջոցառումներ հանցակցին հայտնաբերելու ուղղությամբ:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: