Ուսումնամարզական հավաք՝ ուժային կառույցների հատուկ գործառույթներ իրականացնող ստորաբաժանումների մասնակցությամբ

Այս տարվա սեպտեմբերին Հայաստանում անցկացվելիք «Գրոմ-2021» զորավարժությանը զուգահեռ տեղի են ունենալու տակտիկական հրաձգության մրցումներ։ Այդ կապակցությամբ քրեական ոստիկանության հատուկ նշանակության վարչությունը և մարտական և ֆիզիկական պատրաստականության բաժինը օգոստոսի 9-ից կազմակերպել են ՀԱՊԿ շրջանակում կայանալիք հատուկ նշանակության ուժերի կազմավորումների ներգրավվածությամբ ուսումնամարզական հավաք:
Հավաքին մասնակցել են ՀԱՊԿ անդամ երկրներից հրավիրված մասնագետներ և Հայաստանի պրակտիկ հրաձգության ֆեդերացիայի հրահանգիչներ, որոնք գործուն աջակցություն ցուցաբերեցին մրցավարական և հրահանգչական անձնակազմի վերապատրաստման, թիրախային իրավիճակների կազմավորման և մրցումներին մասնակից անձնակազմի կողմից տակտիկական հրաձգության առաջադեմ փորձի կիրառման ուղղությամբ:
Ուսումնամարզական հավաքին ներգրավված էին քրեական ոստիկանության գլխավոր վարչության, ոստիկանության զորքերի հավաքական թիմերը, ինչպես և Հայաստանի ուժային այլ կառույցների հատուկ գործառույթներ իրականացնող մի շարք ստորաբաժանումներ: