«Դինամոյում» անցկացվեց ՀՀ վաստակավոր մարզիչ Թելման Քոչարյանի 80-ամյակին նվիրված ձյուդոյի 15-րդ հուշամրցաշարը (ՏԵՍԱՆՅՈՒԹ)

Հունիսի 18-ից 19-ը Հայաստանի «Դինամո» մարզական հասարակական կազմակերպությունում անցկացվեց Հայաստանում ձյուդո մարզաձևի հիմնադիր, ՀՀ վաստակավոր մարզիչ Թելման Քոչարյանի 80-ամյակին նվիրված ձյուդոյի 15-րդ հուշամրցաշարը: Միջոցառման մասնակիցներին Հայաստանի «Դինամո» մարզական հասարակական կազմակերպության նախագահ, ՀՀ ոստիկանության պետ, գեներալ-լեյտենանտ Վլադիմիր Գասպարյանի ողջունի խոսքը փոխանցեց «Դինամո» մարզական հասարակական կազմակերպության նախագահի առաջին տեղակալ, ոստիկանության մարտական և ֆիզիկական պատրաստականության բաժնի պետ, ոստիկանության փոխգնդապետ Գառնիկ Հայրապետյանը: Հուշամրցաշարին մասնակցեցին հանրապետության մարզերի, Երևան քաղաքի մարզական կազմակերպությունների, Արցախի և Վրաստանի շուրջ 25 թիմեր` երեք տարիքային խմբերի 250-ից ավել մարզիկներով: Երկօրյա անզիջում պայքարում աչքի ընկան Հայաստանի «Դինամո» մարզական հասարակական կազմակերպության, Երևանի օլիմպիական քոլեջի, Նոր Նորքի հայորդաց տան, Վանաձոր քաղաքի և Հրազդան քաղաքի պատանի ձյուդոյիստները: