Գործնական պարապմունք ՀՀ ոստիկանությունում

Մարտի 26-ին տեղի ունեցավ ոստիկանության պետ Վլադիմիր Գասպարյանի կողմից հաստատված պլանով նախատեսված հերթական գործնական պարապմունքը, որը վարում էին ոստիկանության շտաբի պետ, ոստիկանության գեներալ-մայոր Արամ Զաքարյանը և իրավաբանական վարչության պետ, ոստիկանության գնդապետ Հովհաննես Քոչարյանը:
Պարապմունքի թեման դեպքի վայրի զննության ընթացքում ճանապարհային ոստիկանության ՃՏՊ գործերով վարչական վարույթի իրականացման և վերլուծության տեսուչների մասնագիտական գիտելիքների կատարելագործման քննարկման հարցն էր:
Մասնակցում էին ճանապարհային ոստիկանության ՃՏՊ գործերով վարչական վարույթի իրականացման և վերլուծության բաժնի ղեկավար և տեսչական կազմերը, Ճանապարհապարեկային ծառայության 1-ին սպայական գումարտակի սպայական ջոկի, Ճանապարհապարեկային ծառայության 2-րդ սպայական գումարտակի ՃՏՊ գործերով վարչական վարույթի իրականացման և վերլուծության խմբերի ծառայողները:
Գործնական պարապմունքի ընթացքում քննարկվեցին խնդրո առարկա ոլորտի առանձնահատկություններին, ձեռք բերված արդյունքներին և թերացումներին առնչվող հարցեր։
Առաջադրված խնդիրների մանրամասն քննարկումից հետո ցուցումներ տրվեցին աշխատանքի արդյունավետությունը բարձրացնելու ուղղությամբ։