Ոստիկանները բացահայտել են դրամապանակի գողության դեպքը (ՏԵՍԱՆՅՈՒԹ)

Հոկտեմբերի 13-ին մայրաքաղաքի Խանջյան փողոցի սրճարաններից մեկի սեղանից դրամապանակ էին գողացել։ Կատարվածի մասին տուժողը ոստիկանություն չէր հայտնել, բայց ոստիկանության Երևան քաղաքի վարչության քրեական հետախուզության բաժնի 6-րդ բաժանմունքի ծառայողները դեպքի վերաբերյալ օպերատիվ տեղեկություններ ունեին։ Դրանք ստուգելու նպատակով ձեռնարկված միջոցառման արդյունքում հոկտեմբերի 24-ին, ժամը 10.40-ին, գողություն կատարելու կասկածանքով, քրեական հետախույզները Շարուրի փողոցից բերման ենթարկեցին 28-ամյա մի տղամարդու։
Նա տվել է խոստովանական բացատրություն:
Ձեռնարկվում են միջոցառումներ տուժած անձից հաղորդում ընդունելու և գողոնը հայտնաբերերու ուղղությամբ:
Վնասի չափը պարզվում է:
Նախապատրաստվում են նյութեր: