Գեղարքունիքի պարեկների հակաթմրամոլային պայքարից մի քանի դրվագ

Հուլիսի 21-ի առավոտյան Գեղարքունիքի մարզի պարեկները ապօրինի թմրանյութ պահելու և օգտագործելու կասկածաքնով Երևան-Սևան-Իջևան ճանապարհին ձերբակալել և ոստիկանության Սևանի բաժին են տեղափոխել 43-ամյա մի տղամարդու։
Անձնական խուզարկության ժամանակ տղամարդն իրավապահներին է ներկայացրել դեղնականաչավուն զանգված և մոխրացած հետքերով երկու կաթուցիչ։
Նույն օրը Գեղարքունիքի պարեկները Սևանի թերակղզում ձերբակալել և, իր «Մերսեդեսով» հանդերձ, Սևանի բաժին են տեղափոխել 28-ամյա մի երիտասարդի։
Անձնական խուզարկության ընթացքում երիտասարդը ներկայացրել է դեղնականաչավուն զանգվածով փաթեթներ և կաթուցիչ։
Երկու ժամ անց պարեկները ապօրինի թմրանյութ պահելու և օգտագործելու կասկածանքով ձերբակալել և, իր «Սմարտ» մակնիշի մեքենայով հանդերձ, Սևանի բաժին են տեղափոխել 37-ամյա մի տղամարդու։
Բաժնում տղամարդը ոստիկաններին է ներկայացրել դեղնականաչավուն զանգվածով 2 փաթեթ և կաթուցիչներ։
Հուլիսի 21-ի երեկոյան Երևան-Սևան-Իջևան ճանապարհին Գեղարքունիքի պարեկները ձերբակալել և Սևանի բաժին են տեղափոխել 18-ամյա մի երիտասարդի։ Նրա մոտ հայտնաբերվել է դեղնականաչավուն զանգվածով 2 փաթեթ։
Բոլոր դեպքերով կազմված փաստաթղթերն ուղարկվել են քննչական բաժին։ Հանգամանքերը պարզվում են։