Էրեբունու քրեական հետախույզներն ապօրինի թմրաշրջանառության դեպք են բացահայտել

Ոստիկանության Էրեբունու բաժնի քրեական հետախույզները օպերատիվ տվյալն իրացրին հունվարի 29-ին: Ժամը 14.30-ին Խաղաղ Դոնի փողոցից, թմրամիջոց պահելու և օգտագործելու կասկածանքով, բերման ենթարկեցին նույն փողոցի երկու բնակչի՝ «Տոյոտա» մակնիշի մեքենայով հանդերձ: Մեքենայի սրահից հայտնաբերվեցին մոխրացած հետքերով կաթուցիչ և մարիխուանայի զանգված: Նույն զանգվածից և մոխրացած հետքերով մի կաթուցիչ էլ հայտնաբերվեցին 43-ամյա տղամարդու խուզարկությամբ:
Նրանք հայտնել են, որ թմրանյութն իրենցն է` անձնական օգտագործման համար:
Նշանակվել է դատաքիմիական փորձաքննություն:
Հանգամանքները պարզվում են: