Կասկածյալը ոստիկանությունում էր մեկ այլ գողության համար

Փետրվարի 11-ին, ժամը 09.05-ին, ոստիկանության Էրեբունու բաժնում մի քաղաքացուց հաղորդում էր ստացվել, որ փետրվարի 10-ի ժամը 19.00-ից մինչև փետրվարի 11-ի ժամը 09.00-ն ընկած ժամանակահատվածում գողացել են Խաղաղ Դոնի փողոցի շենքերից մեկի բակում կայանված իր «Նիսանի» չորս անիվները՝ պատճառելով 350.000 դրամի վնաս:
Ոստիկանության Մաշտոցի բաժնի ՔՀԲ ծառայողների ձեռնարկած միջոցառումների շնորհիվ պարզվել է, որ գողությունը կատարել է մեկ այլ գողության համար փետրվարի 17-ին Մաշտոցի բաժին բերման ենթարկված 28-ամյա երիտասարդը: Նա տվել է խոստովանական բացատրություն և ներկայացրել չորս անվահեցերը:
Ձեռնարկվում են միջոցառումներ անվադողերը հայտնաբերելու ուղղությամբ:
Նախապատրաստվում են նյութեր: