Ոստիկանության Երևան քաղաքի վարչության ծառայողները թմրանյութ են հայտնաբերել

Փետրվարի 15-ին ոստիկանության Երևան քաղաքի վարչություն ՔՀԲ գրպանահատության դեմ պայքարի բաժանմունքի ծառայողները տեղեկություններ էին ստացել, որ Արարատյան փողոցի 33-ամյա մի բնակիչ ապօրինի թմրանյութ է պահում և օգտագործում:
Նույն օրը քրեական հետախույզները կասկածվողին հայտնաբերեցին Հրազդանի կիրճում ու բերման ենթարկեցին ոստիկանության Մաշտոցի բաժին: Նրա անձնական խուզարկությամբ հայտնաբերվեց մարիխուանայի նմանվող դեղնականաչավուն զանգված, նմանատիպ զանգվածով տարա և մոխրացած հետքերով երկու կաթուցիչ ՝ ընդհանուր 26 գրամից ավելի։
Նշանակվել են փորձաքննություններ: Նախապատրաստվում են նյութեր: