Եղեգնաձորի ոստիկանները գողության դեպք են բացահայտել և թմրամիջոց հայտնաբերել
![Եղեգնաձորի ոստիկանները գողության դեպք են բացահայտել և թմրամիջոց հայտնաբերել Եղեգնաձորի ոստիկանները գողության դեպք են բացահայտել և թմրամիջոց հայտնաբերել](/timthumb?src=/resources/police/img/news/big/1630061828-559.jpeg&q=75&w=780&wm=1)
Օգոստոսի 26-ին ոստիկանության Եղեգնաձորի բաժնում օպերատիվ տեղեկություն է ստացվել, որ Արենի բնակավայրի Նորավանքի խաչմերուկ կոչվող տարածքի գինու առևտրի տաղավարներից մեկից գողություն է կատարվել:
Ձեռնարկված միջոցառումների արդյունքում նույն օրը, ժամը 03.10-ին, գողություն կատարելու կասկածանքով, բաժին բերման են ենթարկվել 40 և 27-ամյա տղամարդիկ՝ վերջինիս վարած «Հունդաի» ավտոմեքենայով հանդերձ:
Բաժնում 27-ամյա տղամարդը հայտարարել է, որ օգոստոսի 25-ին, ժամը 23.00-ի սահմաններում, շուկայի տաղավարի դռան փականը կոտրել-բացել և գողացել է էլեկտրական կշեռք, պահածոյացված պղպեղ ու 1 շիշ գինի։ Ըստ տղամարդու` գողոնն իր ավտոմեքենայում է։
Պարզվել է տուժողի ինքնությունը, որը հրավիրվել է բաժին:
Ավտոմեքենայի զննության ընթացքում 40-ամյա տղամարդը ոստիկաններին է ներկայացրել կաթուցիչ՝ դեղնականաչավուն, չորացված, մանրացված զանգվածով, և թղթի մեջ փաթեթավորված կանեփանման չորացված, մանրացված զանգված: Նա հայտնել է, որ ներկայացրածը քաղել է Այնթապ գյուղի դաշտերից, վայրի աճած կանեփի բույսից։
Նշանակվել են փորձաքննություններ: Վնասի չափը պարզվում է: Կատարվում է քննություն։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: