Բացահայտվել են նախկինում կատարված գողություններ և գողության փորձեր

Հունիսի 29-ին մայրաքաղաքի ռեստորաններից մեկի տնօրենը ոստիկանության Կենտրոնական բաժին հաղորդում էր տվել, որ գիշերը, տեխնիկական միջոցներով մուտքի դուռը բացելով, ռեստորանից գողացել են հուշանվերներ և սպասք:
Ձեռնարկված օպերատիվ-հետախուզական միջոցառումների շնորհիվ քրեական հետախույզները պարզեցին գողությունը կատարածի ինքնությունը: Հուլիսի 7-ին 50-ամյա տղամարդը Մոսկովյան և Բայրոնի փողոցների խաչմերուկից բերման ենթարկվեց Կենտրոնական բաժին և տվեց խոստովանական բացատրություն:
Նյութերի նախապատրաստման ընթացքում պարզվել է, որ նա նախկինում մի շարք գողություններ և գողության փորձեր է արել:
Տուժողներից ընդունվել են հաղորդումներ:
Նյութերի նախապատրաստումը շարունակվում է: