Ոստիկանության Կենտրոնական բաժնում արձանագրված գողություններ են բացահայտվել

Փետրվարի 21-ին, ժամը 18.30-ին, ոստիկանության Կենտրոնական բաժնում մի քաղաքացու ուսապարկից դրամապանակը գողանալու վերաբերյալ հաղորդում է ստացվել։
ՀՀ ոստիկանության Երևան քաղաքի վարչության քրեական հետախուզության բաժնի 6-րդ բաժանմունքի ծառայողների ձեռնարկած օպերատիվ միջոցառումների շնորհիվ պարզվել է, որ գողությունը կատարել է 29-ամյա մի տղամարդ, որը ժամը 18.30-ին Բաղրամյան պողոտայից բերման է ենթարկվել բաժին և տվել խոստովանական բացատրություն։
Գողոնը հայտնաբերվել է:
Նախապատրաստվում են նյութեր:

***
Փետրվարի 21-ին, ժամը 15.10-ին, ոստիկանության Կենտրոնական բաժնի ծառայողներն իրացնելով ստացված օպերատիվ տվյալները, գողություն կատարելու կասկածանքով, Վարդանանց փողոցից բերման են ենթարկել 26-ամյա մի տղամարդու։ Նա տվել է խոստովանական բացատրություն, որ փետրվարի 20-ին, ժամը 04.00-ին, օգտվելով դռան բաց լինելու հանգամանքից, Նորք-Մարաշի 5-րդ փողոցում կայանված «ԿԻԱ» ավտոմեքենայից գողացել է ձայնարկիչն ու առջևի և հետևի լուսարձակները:
Պարզվել է նաև, որ տղամարդը փետրվարի 20-ին, ժամը 05.30-ին, նույն եղանակով գողացել է Արմենակյան փողոցում կայանված մեկ այլ «ԿԻԱ» ավտոմեքենայի ձայնարկիչը:
Ձեռնարկվում են միջոցառումներ գողոնը հայտնաբերելու ուղղությամբ:
Վնասի չափը պարզվում է:
Նախապատրաստվում են նյութեր: