Գողություն կատարելու պահին ոստիկանները բռնել և բերման են ենթարկել

Մարտի 27-ին, ժամը 02.35-ին, ոստիկանության Երևան քաղաքի վարչության ՊՊԾ գնդի ծառայողները Մոսկովյան փողոցի և Բաղրամյան պողոտայի խաչմերուկում նկատել են վարդերի փնջերով 2 քաղաքացու։ Տեսենելով ոստիկաններին նրանք փորձել են փախուստի դիմել, բայց բռնվել են։ Գողության փորձ կատարելու կասկածանքով ոստիկանություն բերման ենթարկելու ժամանակ քաղաքացիներից մեկի մոտից «ՀԴՄ» սարք է ընկել:
Ոստիկանության Կենտրոնական բաժնում պարզվել է անձանց ինքնությունը։ Նրանք Մոսկովյան փողոցի ծաղկի վաճառակետից փորձել էին գողանալ վարդեր և «ՀԴՄ» սարքը, սակայն իրենց կամքից անկախ հանգամանքներում հանցագործությունն ավարտին չէին հասցրել՝ բռնվել էին:
Ժամը 04.20-ին ծաղկի վաճառակետի սեփականատիրոջից ընդունվել է հաղորդում:
Բերման ենթարկվածները տվել են խոստովանական բացատրություններ։
Նախապատրաստվում են նյութեր: