Քրեական հետախույզները նախկինում կատարված բնակարանային գողության դեպք են բացահայտել

Փետրվարի 7-ին ոստիկանության օպերատիվ կառավարման կենտրոն զանգած քաղաքացին հայտնել էր, որ իր տուն գողեր են մտել:
Դեպքի վայր մեկնած ոստիկանության Նոր Նորքի բաժնի օպերատիվ խումբը պարզել է, որ ժամը 10.00-ից ժամը 18.30-ն ընկած ժամանակահատվածում տեխնիկական միջոցների գործադրմամբ ճաղավանդակը կոտրելու և պատուհանը բացելու միջոցով նշված տնից գողացել են «APPLE» տեսակի 2 այփադ, բիժուտերիա և ծխախոտ:
Ոստիկանության Երևան քաղաքի վարչության և Ավանի բաժանմունքի քրեական հետախույզների համատեղ ձեռնարկած օպերատիվ-հետախուզական միջոցառումների շնորհիվ փետրվարի 25-ին Արարատի մարզի Ոսկետափ գյուղից, բնակարանային գողությունը կատարելու կասկածանքով, ոստիկանության Նոր Նորքի բաժին բերման է ենթարկվել նույն գյուղի բնակիչ 27-ամյա մի երիտասարդ: Նա ձերբակալվել է:
Կատարվում է նախաքննություն: