Գողություն էր արել ու նույն պահին էլ բռնվել /ՏԵՍԱՆՅՈՒԹ/

Հունվարի 17-ին, ժամը 4-ի սահմաններում ոստիկանություն զանգահարած մի քաղաքացի հայտնեց, որ Վարդանանց փողոցի շենքերից մեկի բակում տարօրինակ ձայներ են լսվում, և, կարծես թե, գողություն են անում:
5 րոպե անց ոստիկանության օպերատիվ խումբը նշված բակի դալանում արձանագրեց, որ պահեստներից մեկի դուռը ծռված է:
Նույն պահին ոստիկանության Կենտրոնականի բաժնի և պարեկապահակետահին ծառայության գնդի ոստիկանները բակի շրջակայքից գողություն կատարելու կասկածանքով ոստիկանություն բերման ենթարկեցին 1985 թվականին ծնված Գառնիի բնակիչ Վլադիմիր Նազարյանին:
Նա ներկայացվել է քննչական բաժին և տվել խոստովանական ցուցմունք:
Կատարվում է քննություն:

***

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: