Ախուրյանի համայնքային ոստիկանները նախկինում կատարված գողության դեպք են բացահայտել

Համայնքային ոստիկանության Ախուրյանի բաժնի ծառայողները բացահայտել են նախկինում կատարված գողության դեպք: Գողացել էին Հովունի բնակավայրի վարչական տարածքում գտնվող ջրանցքի ներտնտեսական ոռոգման ցանցի 200 մետր երկաթյա կիսախողովակները: Նախաձեռնվել էր քրեական վարույթ: Ախուրյանի համայնքային ոստիկանների ձեռնարկած միջոցառումների արդյունքում պարզվել է, որ Գյումրի քաղաքի բնակիչ 41-ամյա տղամարդը մի խումբ անձանց հետ ապամոնտաժել ու գողացել է ոռոգման ցանցի կիսախողովակները, ապա «ՈՒԱԶ» մակնիշի ավտոմեքենայով տեղափոխել մետաղի ընդունման կետ և վաճառել։ Մայիսի 19-ին 41-ամյա տղամարդը հայտնաբերվել և ներկայացվել է Շիրակի մարզային քննչական վարչություն։
Նախաքննությամբ հանգամանքները պարզվում են: