Եկեղեցու մոտ գողացել էր դրամապանակ

Հուլիսի 19-ին՝ ժամը 03.57-ին, ոստիկանության Երևան քաղաքի վարչության օպերատիվ կառավարման կենտրոնից ոստիկանության Կենտրոնականի բաժին հաղորդում է ստացվել, որ իրենց է զանգահարել մի քաղաքացի և հայտնել, որ իր ընկերոջ դրամապանակը «Սուրբ Սարգիս» եկեղեցու մոտ գողացել են:
Գողությունը կատարելու կասկածանքով ժամը 4.10-ին Մաշտոցի պողոտայի և Ամիրյան փողոցի խաչմերուկից բաժին է բերման ենթարկել Արմեն Թ.-ն, ով տվել է խոստովանական բացատրություն:
Գողոնն առգրավված է:
Նախապատրաստվում են նյութեր: