Մեքենաներից գողությունները բացահայտվեցին

Նոյեմբերի 18-ին, ժամը 14.40-ին, Մալաթիայի քրեական հետախույզները, գողություն կատարելու կասկածանքով, բերման են ենթարկել Ռուբինյանց փողոցի բնակիչ, 36-ամյա մի տղամարդու: Ոստիկանները մինչ այդ պարզել էին, որ նա նոյեմբերին Մալաթիա-Սեբաստիա վարչական շրջանի տարբեր փողոցներում կայանված «Մերսեդես» մակնիշի երեք մեքենայից գողացել էր կողային հայելիներ և թափարգելի նիկելներ:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր: