Ոստիկանները բռնել են խանութներից գողություններ անողին

Ոստիկանության Կենտրոնական բաժնի քրեական հետախույզները, ստացած օպերատիվ տվյալներն իրացնելիս, հուլիսի 18-ին, ժամը 19-ին, գողություն կատարելու կասկածանքով, Աբովյան փողոցից բերման են ենթարկել Շահումյանի 6-րդ փողոցի բնակիչ, 29-ամյա մի տղամարդու: Նա բացատրություն է տվել, որ հունիս-հուլիս ամիսներին Ամիրյան փողոցում գտնվող հագուստի խանութից, նաև Կենտրոն վարչական շրջանի տարբեր վայրերից, կատարել է մի շարք գողություններ:
Մասնավորապես պարզվել է, որ Տիգրան Մեծի և Մաշտոցի պողոտաներում գտնվող երկու խանութից, օգտվելով աշխատակիցների անուշադրությունից, գողացել է մեկական օծանելիք, դարձյալ Մաշտոցի պողոտայում մի դեղատնից գողացել է քսուքներ, իսկ Կողբացու փողոցի մի խանութից՝ կոնյակ:
Գողությունների մասին նախկինում չի հայտնվել:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր: