Գրպանահատը հայտնաբերվեց, տուժողը` որոնվում է

Ոստիկանության Երևան քաղաքի վարչության քրեական հետախուզության բաժնի 6-րդ բաժանմունքի ծառայողները, որ մասնագիտացած են գրպանահատության դեմ պայքարում, համագործակցելով Արաբկիրի բաժնի ոստիկանների հետ, մայիսի 31-ին, գողություն կատարելու կասկածանքով, Կասյան փողոցից բերման են ենթարկել Արմավիրի մարզի Սարդարապատ գյուղի բնակիչ, 54-ամյա մի տղամարդու: Նրա անձնական խուզարկությամբ հայտնաբերվել է դրամապանակ, որի մեջ կային այցեքարտեր, բոնուս քարտեր և երեք լուսանկար:
Տղամարդը խոստովանել է, որ դրամապանակը գողացել է: Ձեռնարկվում են միջոցառումներ՝ տուժողին հայտնաբերելու ուղղությամբ:
Ուշադրություն. դրամապանակի տիրոջ մասին տեղեկությունները կարող եք հայտնել ոստիկանության Արաբկիրի կամ մոտակա բաժին կամ զանգել 1-02: