Ոստիկանը գրպանահատին բռնել է գողության պահին

Հուլիսի 3-ին, ժամը 22.40-ին ոստիկանության Երևան քաղաքի վարչության օպերատիվ կառավարման կենտրոն զանգահարած ոստիկանության ուղեկցող գումարտակի վարորդը հայտնեց, որ Բյուզանդ-Աբովյան փողոցներ խաչմերուկում գրպանահատ է բռնել: Մեկնած ՀՀ ոստիկանության Երևան քաղաքի վարչության ՊՊԾ գնդի 1-ին գումարտակի 1-ին վաշտի ծառայողները նշված վայրից բաժին են ներկայացրել Խարբերդի մի բնակչի:
Հուլիսի 4-ին մի քաղաքացուհի ոստիկանությունում հաղորդում է տվել, որ հուլիսի 3-ին նշված խաչմերուկում ինչ-որ մեկը բացել է իր պայուսակի շղթան և փորձել գողություն կատարել, սակայն ոստիկանի միջամտությամբ գողությունն ավարտին չի հասցրել: Նախապատրաստվում են նյութեր: