Գրպանահատը բռնվեց հափշտակությունից քիչ անց

Ոստիկանության Երևան քաղաքի վարչության ՔՀԲ 6-րդ բաժանմունքի ծառայողներն իրացնելով օպերատիվ տվյալները, հունիսի 14-ին, ժամը 12.30-ին, Ամիրյան փողոցի և Մաշտոցի պողոտայի խաչմերուկից գողություն կատարելու կասկածանքով բերման են ենթարկել՝ Սպարտակ Մ․-ին։
Պարզվել է, որ Սպարտակ Մ․-ն, նույն օրը, ժամը 12.00-ին, երթուղային ավտոբուսի սրահում մի քաղաքացու պայուսակից գողացել է դրամապանակը։
Սպարտակ Մ․-ն տվել է խոստովանական բացատրություն:
Ձեռնարկվում են միջոցառումներ տուժողի անձը պարզելու ուղղությամբ:
Նախապատրաստվում են նյութեր: