Գուգարքի պարեկային ոստիկանները ապօրինի ծառահատման հերթական դեպքն են բացահայտել

Ապրիլի 27-ին Լոռու մարզում բնապահպանական ոլորտի իրավախախտումների հայտնաբերման և կանխարգելման նպատակով տեղակայված պահակետերից մեկի ոստիկանները Գուգարք գյուղ տանող ճանապարհին ստուգման նպատակով կանգնեցրել են Վահագնի գյուղի 26-ամյա բնակչի «Ֆորդ Տրանզիտը»։ Մեքենան բարձված էր մոտ 4 խմ փայտանյութով, որի օրինականության վերաբերյալ վարորդը որևէ փաստաթուղթ չի ներկայացրել։
Մեքենան տեղափոխվել է ոստիկանության Գուգարքի բաժնի պահպանվող հատուկ տարածք։
Փաստի առթիվ նախապատրաստվում են նյութեր։