Գյումրիի ոստիկանները բնակարանային գողության դեպք են բացահայտել
24.12.2021 13:00
Գողություն
![Գյումրիի ոստիկանները բնակարանային գողության դեպք են բացահայտել Գյումրիի ոստիկանները բնակարանային գողության դեպք են բացահայտել](/timthumb?src=/resources/police/img/news/big/1640336492-2475.jpeg&q=75&w=780&wm=1)
Դեկտեմբերի 23-ին ոստիկանության Կումայրիի բաժին դիմած կինը հաղորդում էր տվել, որ դեկտեմբերի 4-ի ժամը 12.00-ից դեկտեմբերի 23-ի ժամը 13.00-ն ընկած ժամանակահատվածում անհայտ անձինք պատուհանի ապակին կոտրելով՝ մտել էին Գյումրի քաղաքի Արմենյան փողոցի տներից մեկն ու գողացել կենցաղային իրեր:
Քրեական հետախույզների ձեռնարկած միջոցառումների արդյունքում նույն օրը ոստիկանության Կումայրիի բաժին բերման ենթարկվեց 35-ամյա մի տղամարդ: Նա խոստովանել է, որ գողությունն արել է ինքը:
Գողոնը հայտնաբերվել է:
Կատարվում է քննություն:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: