Ավտոմեքենայի հեյելիները գողացած անձը ներկայացել է ոստիկանություն

Նոյեմբերի 29-ին, ժամը 09.40-ին, ոստիկանության Կենտրոնական բաժնում հաղորդում է ստացվել, որ նոյեմբերի 28-ի ժամը 14.00-ից նոյեմբերի 29-ի ժամը 08.00-ն ընկած ժամանակահատվածում, գողացել են Սայաթ-Նովայի պողոտայի շենքերից մեկի բակում կայանված «Մերսեդեսի» կողային հայելիները:
Դեպքի վայր են մեկնել օպերատիվ խմբի ծառայողներ։
Կենտրոնականի քրեական հետախույզների ձեռնարկած օպերատիվ միջոցառումների շնորհիվ պարզվել է, որ արարքը կատարել է Սարի թաղի 18-ամյա մի բնակիչ։ Բացատրական աշխատանքների շնորհիվ, ժամը 17.05-ին նա ներկայացել է բաժին, տվել խոստովանական բացատրություն և ներկայացրել գողոնը։
Նախապատրաստվում են նյութեր: