Հանդիպում քրեական ոստիկանության գլխավոր վարչությունում

Սեպտեմբերի 24-ին քրեական ոստիկանության գլխավոր վարչության պետ, ոստիկանության գնդապետ Վարդան Վարդանյանն ընդունեց ԱՄՆ պետդեպարտամենտի աշխատակից, «Արտահանման վերահսկում և սահմանային անվտանգություն» ծրագրի տարածաշրջանային խորհրդատու Ռոսսիտցա Պետրովին և նույն ծրագրի երևանյան գրասենյակի աշխատակից Արմեն Թովմասյանին։
Ողջունելով հյուրերին՝ Վարդան Վարդանյանը կարևորեց ծրագրի շրջանակներում համագործակցությունը։
Քննարկվեցին Հայաստանի ոստիկանության և ծրագրի ղեկավարության միջև ստորագրված հուշագրի վերաբերյալ, ինչպես և ծրագրի շրջանակներում Հայաստանի ոստիկանությանը տրամադրվող աջակցության մասին հարցեր։ Խոսվեց տեխնիկական աջակցության և ոստիկանության աշխատակիցների մասնագիտական վերապատրաստման դասընթացների մասին, ձեռք բերվեցին պայմանավորվածություններ։
Երկու կողմերն էլ պատրաստակամություն հայտնեցին աջակցել ծրագրի իրականացմանն ու քննարկեցին փոխադարձ հետաքրքրություն ներկայացնող այլ հարցեր։