1-02

ՀՀ ՆԳՆ ոստիկանության թեժ գիծ

Ընդհանուր հարցերով
(+374) 10 54-69-14
(+374) 10 54-69-12
Աշխ. ժամեր՝ 9-ից 18-ը
Ընդմիջում՝ 13-ից 14-ը
Հանգստյան օրեր՝ շաբաթ, կիրակի

ՆԳՆ ինտերնետային խարդախություններ
Թեժ գիծ՝ 011 52 52 52

ՆԳՆ ոստիկանության պարեկային ծառայություն
Հասցե՝ ք․ Երևան, Խորենացի 158
(Պարեկային ծառայության գործունեության շրջանակում
հարցերի և բողոքների դեպքում կարող եք մոտենալ նաև նշված հասցեով)

Հեռ․՝ 010-51-29-65,
էլ․ փոստ՝ patrol-service@police.am

ՆԳՆ ոստիկանության համայնքային ոստիկանության գլխավոր վարչություն
Հեռ․՝ 010-52-03-10,
էլ․ փոստ՝ hvogv@police.am

ՆԳՆ ոստիկանության քրեական ոստիկանության գլխավոր վարչություն
Հեռ․՝ 011-56-47-72,
էլ․ փոստ՝ gdcp@police.am

ՆԳՆ ոստիկանության զորքեր
Հեռ․՝ 010-37-02-96,
էլ․ փոստ՝ zorqer@mia.gov.am


 

 
 
 

 

 

ԻԻՀ անվտանգության և ոստիկանության պատվիրակության այցը ՀՀ ոստիկանություն /ՏԵՍԱՆՅՈՒԹ/

Փետրվարի 25-ին ՀՀ ոստիկանության շտաբի պետ Արմեն Ղուկասյանն ընդունեց Իրանի Իսլամական Հանրապետության անվտանգության և ոստիկանության պատվիրակությանը՝ ԻԻՀ ներքին գործերի նախարարության անվտանգության հարցերի գլխավոր վարչության պետ Հոսեյն Քալանթարիի գլխավորությամբ:
Արմեն Ղուկասյանը ողջունելով հյուրերին` կարևորեց երկու երկրների բարեկամական կապը, ինչի շնորհիվ տարբեր ոլորտներում, այդ թվում նաև իրավապահ կառույցների միջև առկա է սերտ համագործակցություն, որն ուղղված է Հայաստանի և Իրանի պետական անվտանգությանն ու քաղաքացիների ապահովությանը:
ԻԻՀ ներքին գործերի նախարարության անվտանգության հարցերի գլխավոր վարչության պետ Հոսեյն Քալանթարին շնորհակալություն հայտնելով ջերմ ընդունելության համար՝ նշեց, որ իրանցիների համար զբոսաշրջության ամենասիրելի երկրներից մեկը Հայաստանն է և դրանով է պայմանավորված նրանց մեծ հոսքը Հայաստան: Իրանական կողմը գոհունակություն հայտնեց իրենց երկրի քաղաքացիների անվտանգության ապահովման գործում ՀՀ ոստիկանության ցուցաբերած ծառայության համար:
Քննարկվեցին մի շարք հանցատեսակների դեմ պայքարի ուղղությամբ համագործակցության ընդլայնման հնարավորությունները, երկու երկրների ճանապարհային ոստիկանությունների, սահմանամերձ հատվածներում ոստիկանության ստորաբաժանումների, Ինտերպոլի ազգային կենտրոնական բյուրոների ծառայությանը վերաբերող հարցեր:
Նույն օրը Իրանի Իսլամական Հանրապետության անվտանգության և ոստիկանության պատվիրակությանն ընդունեց ոստիկանության կազմակերպված հանցավորության դեմ պայքարի գլխավոր վարչության պետ Արսեն Այվազյանը:
Ողջունելով հյուրերին՝ Արսեն Այվազյանը ներկայացրեց երկու երկրների միջև համագործակցության դրական արդյունքերն ու դրանց հետ կապված որոշ խնդիրներ: Հայաստանի Հանրապետության և Իրանի Իսլամական Հանրապետության իրավապահները ակտիվ համագործակցում են թմրամիջոցների անօրինական շրջանառության, թրաֆիքինգի, փողերի լվացման և այլ հանցատեսակների դեմ պայքարում:
Քննարկվեցին իրավապահ երկու կառույցների միջև տեղեկատվության արագ տրամադրման և փորձի փոխանակման վերաբերյալ հարցեր:
Հոսեյն Քալանթարին շնորհակալություն հայտնելով ընդունելության և կարևոր խնդիրներ բարձրաձայնելու համար, պատրաստակամություն հայտնեց քննարկել դրանք և համապատասխան լուծումներ գտնել:
Կողմերը միակարծիք էին, որ թեև երկու երկրների իրավապահ կառույցների միջև առկա սերտ համագործակցությանը, ժամանակի պահանջներին զուգահեռ անհրաժեշտ է առավել ամրապնդել այն ու ներառել նոր ուղղություններ, քանի որ հանցատեսակները նույնպես զարգանում են՝ ներթափանցելով տարբեր ոլորտներ:
Հանդիպմանը քննարկվեցին նաև երկու երկրների իրավապահ կառույցների միջև համագործակցությանը վերաբերող այլ հարցեր ևս:
Նույն օրը Իրանի Իսլամական Հանրապետության անվտանգության և ոստիկանության պատվիրակությունը եղավ ՀՀ ոստիկանության կրթահամալիրում:
Կրթահամալիրի պետ, ոստիկանության գեներալ-մայոր Մուշեղ Բաբայանի ուղեկցությամբ պատվիրակության անդամները շրջեցին տարածքում, եղան կրթահամալիրի ստորաբաժանումներում, մասնագիտացված լսարաններում, մարզասրահներում և այլն:
ՀՀ ոստիկանության կրթահամալիրի պետ Մուշեղ Բաբայանը ողջունեց հյուրերին և ներկայացրեց կրթահամալիրի կառուցվածն ու գործունեության մանրամասներ:
ԻԻՀ ներքին գործերի նախարարության անվտանգության հարցերի գլխավոր վարչության պետ Հոսեյն Քալանթարին շնորհակալություն հայտնեց հետաքրքիր էքսկուրսի համար և հույս հայտնեց, որ համագործակցություն կձևավորվի նաև երկու բարեկամ երկրների իրավապահ կառույցների ուսումնական հաստատությունների միջև:
Կողմերը կարևորեցին ստեղծվելիք փոխգործակցության անհրաժեշտությունը, որը կնպաստի հանցավորության դեմ առավել արդյունավետ պայքարին:
Հանդիպմանը քննարկվեցին իրավապահների կրթությանը վերաբերող այլ հարցեր ևս: