Հանկարծամահ եղած կնոջն իրականում հարսը խեղդամահ էր արել. Մասիսի ոստիկանների բացահայտումը
![Հանկարծամահ եղած կնոջն իրականում հարսը խեղդամահ էր արել. Մասիսի ոստիկանների բացահայտումը Հանկարծամահ եղած կնոջն իրականում հարսը խեղդամահ էր արել. Մասիսի ոստիկանների բացահայտումը](/timthumb?src=/resources/police/img/news/big/1583133303-4819.jpeg&q=75&w=780&wm=1)
Փետրվարի 29-ին ոստիկանության Մասիսի բաժին 75-ամյա կնոջ հանկարծամահ լինելու վերաբերյալ հաղորդում էր ստացվել:
Մարտի 1-ին ոստիկանության Մասիսի բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ քաղաքացին ոչ թե հանկարծամահ է եղել, այլ փետրվարի 29-ին, ժամը 08.00-ի սահմաններում, կենցաղային հարցերի շուրջ վիճաբանել է 31-ամյա հարսի հետ, որի ընթացքում հարսը խեղդամահ է արել նրան:
31-ամյա կինը բերման է ենթարկվել բաժին, տվել խոստովանական բացատրություն, ապա ձերբակալվել է:
Սպանության հատկանիշներով քրեական գործ է հարուցվել:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: