Վալերիյ Օսիպյանի հանձնարարությամբ իրականացվում է ծառայողական քննություն
18.08.2018 12:21
Հայտարարություն
![Վալերիյ Օսիպյանի հանձնարարությամբ իրականացվում է ծառայողական քննություն Վալերիյ Օսիպյանի հանձնարարությամբ իրականացվում է ծառայողական քննություն](/timthumb?src=/resources/police/img/news/big/1534578477,4845.jpeg&q=75&w=780&wm=1)
Էլեկտրոնային լրատվամիջոցներից մեկում քաղաքացու կողմից հրապարակվել է տեղեկություն, թե ճանապարհային ոստիկանության ծառայող, ոստիկանության գնդապետ Հայկազ Մաթևոսյանը վարորդի հետ խոսելիս թույլ է տվել ոստիկանին ոչ հարիր արտահայտություններ:
Ոստիկանության պետ Վալերիյ Օսիպյանի հանձնարարությամբ ոստիկանության ներքին անվտանգության վարչությունում կատարվում է ծառայողական քննություն՝ պարզելու միջադեպի հանգամանքները, ինչպես և ոստիկանության ծառայողի կողմից էթիկայի կանոնների ենթադրյալ խախտման հանգամանքը:
Եթե կան քաղաքացիներ, որոնք ականատես են եղել կամ միջադեպի վերաբերյալ կարող են ներկայացնել տեսաձայնագրություններ, խնդրում ենք դիմել ոստիկանության ներքին անվտանգության վարչություն: