Հայտնաբերվել են հետախուզվողներ. երեք դեպքում էլ խափանման միջոցը՝ կալանք

Քրեական ոստիկանության գլխավոր վարչության ծառայողները ստացած օպերատիվ տեղեկությունն իրացրին Սյունիքի քրեական ոստիկանների հետ համատեղ: Ապրիլի 3-ին՝ ժամը 17.30-ին, մայրաքաղաքի Աճառյան փողոցում հայտնաբերվեց 53-ամյա դատապարտյալ, որը մեղավոր է ճանաչվել առանց իրացնելու նպատակի թմրամիջոցների շրջանառության և թմրամիջոցների մաքսանենգության համար: Մարտի 28-ից նա հետախուզվում էր պատժի կրումից խուսափելու համար, խափանման միջոցը` կալանք:
Ապրիլի 4-ին՝ ժամը 1.10-ին, «Զվարթնոց» օդանավակայանի բաժնի ծառայողների ձեռնարկած օպերատիվ-հետախուզական միջոցառումների արդյունքում Վոլգոգրադ-Երևան չվերթի ժամանումից հետո բաժին է բերվել Արմավիրի մարզի Շենավան գյուղի բնակիչ 41-ամյա մի տղամարդ, որը հունվարի 27-ից Քրեական ոստիկանության Երևան քաղաքի վարչության կողմից հետախուզվում էր բնակարան ապօրինի մուտք գործելով գողություն կատարելու մեղադրանքով, խափանման միջոցը՝ կալանք:
Քրեական ոստիկանության Երևան քաղաքի վարչության ծառայողները, ստացած օպերատիվ տեղեկություններն իրացնելով, Ավանի համայնքային բաժնի ծառայողների հետ, ապրիլի 3-ին, ժամը 10.45-ին, Ավանի Դուրյան թաղամասում հայտնաբերել և վարչություն են տեղափոխել Ավանի բնակիչ 33-ամյա երիտասարդի, որը մարտի 18-ից հետախուզվում էր խարդախության և կաշառք տալու փորձին հանցակցելու մեղադրանքով, խափանման միջոցը՝ կալանք: